Да суда Новікаў знаходзіўся дома. Як заўважыў «Флагшток», 26 чэрвеня 2022 года Аляксандр пакінуў на сваёй старонцы ў Facebook запіс: «Заўтра могуць пасадзіць на нары. Часам не да законаў, але адказваць давядзецца». Суд адбываўся ў закрытым рэжыме. Новікава абвінавачвалі ў размяшчэнні на сваім сайце артыкулаў, якія «мелі мэту дамагчыся перагляду сусветнай гісторыі, вынікаў вайны, дыскрэдытацыі Перамогі», удакладняе выданне.
Калегі-пісьменнікі адзначалі, што ў савецкі час Новікаў служыў у КДБ, быў звольнены ў званні маёра. У 2000-х Новікаў завёў блог "літкрытыка", у якім асвятляў літаратурнае жыццё краіны. Гэты блог быў прыватным, але ўспрымаўся афіляваным з Саюзам пісьменнікаў за кошт блізкасці аўтара да кіраўніцтва арганізацыі. Новікаў сам не пісаў ніякія творы, але актыўна займаўся крытыкай. У сваіх тэкстах Новікаў упарта пляжыў беларускамоўных аўтараў. У блогу litkritika.blogspot.com ён неаднаразова негатыўна выказваўся аб творчасці Мікалая Чаргінца, былога ваеннага і члена Нацыянальнага сходу Беларусі.
