Віталь Аляксандравіч Каўбеня

Вольгу асудзілі за пост у «Фэйсбуку», зроблены яшчэ ў 2020 годзе.

Запісам на сваёй старонцы, на думку следства, жанчына паказвала "жаданне прадставіць аўтарытэт кіраўніка дзяржавы ва прыніжаным стане ў вачах шырокай грамадскасці, выбраўшы разлічаны на азнаямленне шырокага кола асоб спосаб распаўсюджвання ілжывай інфармацыі і абразы ў дачыненні да кіраўніка краіны".

Па падліках выйшла на волю ў пачатку вясны 2025 года.

Наталля была прызнана вінаватай у кастрычніку 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы пад фатаграфіяй мужчыны з тэкстам, дзе было пазначана, што ён — участковы інспектар Светлагорскага РАУС і займаецца палітычным пераследам пратэстоўцаў, ілжэсведчыць у судзе. Наталлю прыгаварылі да абмежавання волі без накіравання і абавязалі выплаціць маральную кампенсацыю.

У лістападзе таго ж года па пратэсту пракурора від пакарання замянілі на абмежаванне волі з накіраваннем у папраўчую ўстанову адкрытага тыпу.

Вызвалена ў снежні 2023 года, цалкам адбыўшы прызначаны судом тэрмін пакарання.

У сувязі з новым пераследам па палітычных матывах Наталля была вымушана пакінуць Беларусь.

Дзмітрый быў затрыманы ў верасні 2021 года ў межах крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.

У верасні 2022 года яго прызналі вінаватым па артыкулах «распальванне варожасці», «абраза прадстаўніка ўлады» і «абраза Лукашэнкі», прыгаварыўшы да абмежавання волі з накіраваннем ва ўстанову адкрытага тыпу, выплаты буйнога штрафу і маральнай кампенсацыі.

У лютым 2023 года адбылося судовае паседжанне, па выніках якога Дзмітрыя перавялі ў калонію.

Вызвалены восенню 2024 года, цалкам адбыўшы прызначаны судом тэрмін пакарання.

Ілля — гомельскі валанцёр і вядомы ў горадзе арганізатар рок-канцэртаў — быў затрыманы супрацоўнікамі КДБ 8 ліпеня 2021 года. Яго арыштавалі як сведку па справе аб «акце тэрарызму», аднак 16 ліпеня адпусцілі.

Паўторна Іллю затрымалі 30 верасня 2021 года ў межах крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Першапачаткова яго абвінавачвалі па артыкуле «распальванне варожасці», аднак падчас следства абвінавачанне было перакваліфікавана на «дыскрэдытацыю Рэспублікі Беларусь».

Ілля наведваў суды палітвязняў, дапамагаў з перадачамі і пісаў лісты падтрымкі. Яго ініцыятыва «Пішыце лісты» ўвайшла ў лік прэтэндэнтаў на Нацыянальную прэмію за дасягненні ў сферы правоў чалавека ў намінацыі «Кампанія/ініцыятыва года — 2021». Нават знаходзячыся за кратамі, ён працягваў падтрымліваць беларусаў лістамі салідарнасці.

У кастрычніку 2022 года Ілля быў прызнаны вінаватым і прыгавораны да пазбаўлення волі ў калоніі і выплаты буйнога штрафу. Яго вызвалілі ў залі суда, паколькі тэрмін утрымання пад вартай перавысіў прызначанае пакаранне.

Пасля вызвалення палітычны пераслед працягнуўся: Іллю неаднаразова прыцягвалі да адміністрацыйнай адказнасці, праводзілі ператрусы. У выніку ён быў вымушаны пакінуць Беларусь.

У лістападзе 2023 года стала вядома аб узбуджэнні ў дачыненні да яго новай крымінальнай справы, а яго старонка ў Facebook была прызнана «экстрэмісцкай».

Яўген, гомельскі актывіст, быў затрыманы пасля ператрусу ва ўласнай кватэры 28 траўня 2021 года і пазней асуджаны па артыкулах "арганізацыя дзеянняў, якія груба парушаюць грамадскі парадак" і "публічная абраза прадстаўніка ўлады".

Вызвалены ў ліпені 2022 года, цалкам адбыўшы тэрмін пакарання, прызначаны судом.