Віктар Анатольевіч Рупека

Быў асуджаны за тое, што сарваў тры дзяржаўныя сцягі Беларусі з установы адукацыі, гандлёвага аб'екта і аддзялення пошты.

Па падліках праваабаронцаў вызвалены ў кастрычніку 2024 года, поўнасцю адбыўшы тэрмін пакарання, прызначаны судом.

Павел Янчук родам з Камянецкага раёна, але жыў у Брэсце. Да суда Паўла змясцілі пад варту.

Па версіі абвінавачання , Павел Янчук 17 красавіка 2022 года пад публікацыяй у тэлеграм-канале «Рэальная Беларусь» напісаў абразлівы каментар пра Лукашэнку А.Л.

18.07.была разгледжана апеляцыйная скарга, прысуд уступіў у сілу.

Па падліках праваабаронцаў вызвалены зімой 2024 года поўнасцю адбыўшы тэрмін пакарання, прызначаны судом.

Мужчыну абвінавацілі ў тым , што ён у сацсетцы Вконтакте пакінуў абразлівы каментар у бок Лукашэнкі, у якім абвінавачваў палітыка ў здзяйсненні злачынства супраць чалавечнасці і акта тэрарызму. Да суда Вадзім утрымліваўся пад вартай. Ён цалкам прызнаў віну і раскаяўся ў зробленым.

Вадзім мае сярэдне-спецыяльную адукацыю, працаваў зваршчыкам.

Па падліках праваабаронцаў верасні 2024 года вызвалены, цалкам адбыўшы тэрмін пакарання, прызначаны судом.

Жыхар Баранавічаў. Быў затрыманы ў сярэдзіне лютага 2023 года. Мужчыну абвінавацілі ў тым, што 8 сакавіка 2021 года ў Instagram ён выклаў старыс "з тварам Лукашэнкі ў жаночым абліччы" і тэкстам: «З 8 сакавіка, дарагая жанчына. Найжорсткага здароўя і толькі прыемных ашчушчэнняў». За гэта абвінавацілі ў публічнай абразе Лукашэнку.

Таксама Уладзіслава абвінавацілі ў тым, што ён некалькі разоў адправіў у чат-бот рэдакцыі "Nexta" відэа і тэксты (напрыклад, відэа расейскіх вайсковых самалётаў і цягнікі з расейскімі вайскоўцамі). Гэта кваліфікавалі як "іншае садзейнічанне экстрэмісцкай дзейнасці" па ч.1 арт.361-4 КК.

05.09.2023 года адбыўся разгляд апеляцыйнай скаргі. Прысуд уступіў у сілу.

Дзмітрыя абвінавацілі па трох артыкулах КК за тэлеграм-каментары пра А.Лукашэнку, Наталлю Качанаву і рускіх. Пра гэты прысуд выпусціла ролік дзяржТВ. Там пракурор расказвае сутнасць абвінавачання, што пра рускіх была напісана «абраза па нацыянальнай прыкмеце».

Па падліках павінен быў выйсці на волю 23 лістапада 2025 г.

Па падліках праваабаронцаў выйшаў на волю 9 лютага 2025 г.

Міхась Сталярчук быў асуджаны па арт. 358-1 Крымінальнага кодэкса (агентурная дзейнасць). Ён грамадзянін Украіны. Разам з ім па справе праходзіў Дзмітрый Гудзік, ягоны пляменнік. Па версіі абвінавачання яны збіралі дадзеныя аб ваеннай тэхніцы і аб'ектах у Беларусі па заданні Службы бяспекі Украіны з 2018 года. З імі быў затрыманы таксама Ігар Дзірка, але замест судовага пераследу яго выслалі з Беларусі.

Працаваў кіроўцам аўтобуса на рэйсах Беларусь-Украіна.

Быў памілаваны 22.11.2025 г. у ліку 31 грамадзяніна Украіны. Як паведаміла прэс-служба Лукашэнкі, гэта адбылося ў рамках "дасягнутых дамоўленасцей" з прэзідэнтам ЗША Дональдам Трампам і "па просьбе ўкраінскага боку ў мэтах стварэння ўмоў для ўрэгулявання ўзброенага канфлікту ў сумежнай дзяржаве". Вызваленых грамадзян адразу перадалі ўкраінскаму боку.

Аляксандру прад'явілі тое, што ён напісаў 2 камэнтары пад публікацыямі тэлеграм-канала «Беларусь галаўнога мозгу». Адно паведамленне было напісана 24 лютага 2022 года пад навіной аб тым, што з тэрыторыі Беларусі ва Украіну заходзілі расейскія войскі. Другое паведамленне, якім (па версіі абвінавачання) Аляксандр публічна абразіў А.Лукашэнку, было апублікавана 7 красавіка 2022 года (калі Украіна і Расія вялі перамовы аб перамір'і) пад навіной з цытатай Лукашэнку аб тым, што «не можа быць перамоваў без удзелу Беларусі» .

16.06.2023 адбыўся разгляд апеляцыйнай скаргі, прысуд уступіў у сілу.

Па падліках праваабаронцаў вызвалены летам 2024 года, поўнасцю адбыўшы тэрмін пакарання, прызначаны судом.

Жыхарцы Брэста ставілі ў віну тое , што 24 траўня 2021 года ў Фэйсбук-гурце "Народны прысуд" яна напісала 2 каментары пад відэа з Лукашэнкам. У адным паведамленні было "хворы чалавек", у другім "шызафрэнік".

16.05.2023 адбыўся разгляд апеляцыйнай скаргі, прысуд уступіў у сілу.

Па падліках праваабаронцаў была вызвалена зімой 2024 года поўнасцю адбыўшы тэрмін пакарання, прызначаны судом

Па матэрыялах абвінавачання , Ігар Свірыда 13 лютага 2023 года, знаходзячыся ў аддзеле прымусовага выканання (АПІ), «... даў супрацоўніку аддзела ўласнаручнае тлумачэнне аб прычынах нявыплаты штрафаў, прызначаных судом за здзяйсненне розных адміністрацыйных правапарушэнняў, у якім наўмысна і публічна напісаў у змесце якога ў абразлівай форме выказаў негатыўную ацэнку асобы прэзідэнта, прадстаўленую ў выглядзе ненарматыўнай формы моўнага выказвання...».

У той жа дзень, калі ў аддзел прымусовага выканання выклікалі нарад супрацоўнікаў Дэпартамента аховы для яго затрымання, ён зноў публічна абразіў Лукашэнку А.Р. Следства сцвярджае, што Ігар Свірыда нібыта знаходзіўся ў памяшканні ВПІ ў стане алкагольнага ап'янення.

Падчас судовага паседжання сваю віну прызнаў часткова.

Па падліках праваабаронцаў вызвалены зімой 2024 года цалкам адбыўшы тэрмін пакарання, прызначаны судом.

Вячаслава асудзілі за абразлівыя каментары ў бок Лукашэнкі і супрацоўнікаў міліцыі ў Фэйсбуку.

Пра прысуд стала вядома з відэароліка на ДзяржТБ. У ім пракурор Павал Курпеніч паведаміў, што Вячаслаў да суда ўтрымліваўся пад вартай, а падчас працэсу цалкам прызнаў віну.

Вячаславу Кобрыну 58 год. Мужчына жанаты, захапляецца рыбалкай.

Па версіі дзяржабвінавачання , Дзмітрый Гарбуноў у чэрвені 2021 года ў Інтэрнэце пад фатаграфіяй лідскага міліцыянера Кацілы Антона Анатольевіча напісаў каментар са словам «мудзіла».

Пра Кацілу апазіцыйныя тэлеграм-каналы пісалі, што той удзельнічаў у затрыманні актывіста Вітольда Ашурка (актывіст пазней памёр у калоніі).

Публічная абраза Лукашэнкі, на думку абвінавачання, таксама здарылася ў інтэрнэце, у жніўні 2022 года.

Па падліках праваабаронцаў вызвалены летам 2024 года, поўнасцю адбыўшы тэрмін пакарання, прызначаны судом.

Вядома, што дома пры ператрусе па справе ва Уласюка забралі бел-чырвона-белы сцяг, які далей быў сярод матэрыялаў крымінальнай справы.

Публічнай абразай Лукашэнку, паводле абвінавачання, палічылі напісаны 22.04.2022 інтэрнэт-каментар пад відэа з выступам Аляксандра Рыгоравіча. Гэтае паведамленне ўтрымоўвала нецэнзурную лексіку.

У кастрычніку 2023 года вызвалены поўнасцю адбыўшы тэрмін пакарання, прызначаны судом.

Былога супрацоўніка міліцыі Аляксандра Сазонава і Яўгена Васілеўскага затрымалі амаль год таму - 27 лютага 2022 года ў Мінску, а 1 сакавіка абодвух пакаралі адміністрацыйным арыштам па артыкуле 24.23 КаАП РБ (парушэнне парадку арганізацыі або правядзення масавых мерапрыемстваў).

Суд Першамайскага раёна Менска за ўдзел у акцыі пратэсту супраць расейскага ўварвання ва Украіну прысудзіў Сазонаву 13 сутак арышту, а Васілеўскаму - 15 сутак.

Сутнасць абвінавачання пакуль невядомая. Верагодна, размова ідзе аб перадачы персанальных звестак сілавікоў у пратэстныя чаты.

Па падліках праваабаронцаў , выйшаў на волю 9 верасня 2024 г., цалкам адбыўшы тэрмін пакарання, прызначаны судом.

Падставай для крымінальнай справы стаў запісаны Юрыем ролік у сацсетцы TikTok. Паводле тлумачэнняў Юрыя, 5 кастрычніка 2022 года ён выклікаў мясцовага ўчастковага Дзмітрыя Ціунава для дапамогі ў вырашэнні сямейнага канфлікту. Участковы паабяцаў прыехаць, але гэтага не зрабіў. На эмоцыях (і будучы нецвярозым) Юры запісаў відэа, дзе казаў, што міліцыя працуе дрэнна, і абразліва выказаўся пра Ціунава.

Вызвалены па заканчэнні тэрміна пакарання.