Віталь Антановіч Дзямскі

Уладзімір быў затрыманы 9 траўня 2023 года на памежным пераходзе Цярэспаль-Брэст, калі вяртаўся ў Беларусь. У яго праверылі тэлефон, а пасля затрымалі.

Вядома аб некалькіх адміністрацыйных судах у адносінах да Уладзіміра. Так, 10, 16, 26 траўня і 7 чэрвеня яго судзілі па ч. 2 арт. 19.11 КаАП (распаўсюджванне экстрэмісцкіх матэрыялаў) і прысудзілі арышт. Апошні раз яму прысудзілі 15 сутак

Па месцы яго пражывання і пражыванні сваякоў прайшлі ператрусы. Уладзімір з моманту затрымання ўтрымліваецца ў ІЧУ Ленінскага РАУС г. Брэста.

Уначы з 22 на 23 чэрвеня 2023 года Уладзіміра вызвалілі ў ІЧУ.

Уладзіміра зноў затрымалі 28 кастрычніка 2023 г. у Драгічынскім раёне. Папярэдне быў ператрус і адабранне аргтэхнікі, пасля праверкі тэлефона яго затрымалі па арт. 19.11 ч. 2 КаАП (распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыі). Вядома, што Ўладзіміра арыштавалі з-за старых падпісак.

Дата суда пакуль невядомая. З моманту затрымання ўтрымліваецца ў ІЧУ Іванаўскага раёна .

11 снежня 2023 г. стала вядома, што Уладзімір на волі.

Дзмітрый доўгі час жыў ва Украіне, у 2019 годзе ажаніўся там з украінкай. У беларускім войску ён не служыў, а ва Ўкраіне патрапіў у ВСУ на службу забеспячэння. З сакавіка па кастрычнік 2021 года працаваў вартаўніком на вайсковым складзе ў зоне размежавання паміж ДНР/ЛНР і падкантрольнай Украіне тэрыторыяй.

Восенню 2021 года, страціўшы беларускі пашпарт, Дзмітрый звярнуўся ў пасольства ў Кіеве, дзе яму аформілі часовы дакумент і параілі паехаць у Беларусь па новы пашпарт. Аднак адразу пасля перасячэння мяжы яго затрымалі. Двое сутак запар КДБ дапытваў яго па падазрэннях у "тэрарызме" і "перавозцы зброі".

Фактаў не знайшлі, але Змітра перавялі з ІЧУ ў СІЗА і распачалі справу аб "наёмніцтве" (арт. 133 КК РБ). Пазней артыкул перакваліфікавалі, і ў сакавіку 2022 года яго асудзілі за "ўдзел у ваенных дзеяннях на тэрыторыі замежнай дзяржавы без упаўнаважання Беларусі". Падчас знаходжання ў СІЗА ў Зміцера нарадзілася дачка.

Па падліках праваабаронцаў, ён быў вызвалены зімой 2024 года, цалкам адбыўшы пакаранне.

Зміцер са жніўня 2020 года неаднаразова падвяргаўся палітычнаму пераследу з боку сілавікоў: прэвентыўныя затрыманні, ператрусы і штрафы.

Упершыню яго асудзілі ў снежні 2020 года па крымінальнай справе за «крадзеж рацыі» ў супрацоўніка АМАП падчас акцыі пратэсту і прыгаварылі да абмежавання волі без накіравання ў папраўчую ўстанову.

У лістападзе 2021 года Зміцер зноў быў затрыманы ў межах крымінальнай справы, узбуджанай па артыкулах «паклёп», «абраза прадстаўніка ўлады» і «абраза Лукашэнкі».

У студзені 2022 года яго прызналі вінаватым і прыгаварылі да пазбаўлення волі ў калоніі, а таксама да выплаты буйнога штрафу.

Вызвалены вясной 2024 года, цалкам адбыўшы прызначаны судом тэрмін пакарання.

Глеб — фігурант крымінальнай справы, распачатай пасля стыхійных акцый пратэсту 10 жніўня 2020 года ў Брэсце супраць фальсіфікацый на прэзідэнцкіх выбарах. Падчас следства ён пакінуў краіну, а пры вяртанні ў Беларусь быў затрыманы пры спробе перасячы мяжу з Еўразвязам. У лістападзе 2021 года яго асудзілі за ўдзел у "масавых беспарадках".

Вызвалены ў ліпені 2024 года, поўнасцю адбыўшы тэрмін пакарання, прызначаны судом.

Ілья быў асуджаны за "ўдзел у групавых дзеяннях, якія груба парушаюць грамадскі парадак" у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Яго жорстка затрымалі пры спробе пакінуць Беларусь. Пасля 15 сутак арышту ён быў змешчаны ў СІЗА для далейшай адпраўкі на "хімію".

Вызвалены ў верасні 2023 года, поўнасцю адбыўшы тэрмін пакарання, прызначаны судом.

Андрэй быў асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Яго жорстка затрымалі пры спробе пакінуць Беларусь. Пасля 15 сутак арышту ён быў змешчаны ў СІЗА для далейшай адпраўкі на "хімію".

Вызвалены ў лютым 2023 года, поўнасцю адбыўшы тэрмін пакарання, прызначаны судом.

Мікалай, гісторык па адукацыі і будаўнік, быў затрыманы ў рамках крымінальнай справы, узбуджанай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках".

Вызвалены ў снежні 2023 года, цалкам адбыўшы тэрмін пакарання, прызначаны судом.

Раман быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на выбарах. У час акцыі ён атрымаў сур'ёзныя раненні і доўга праходзіў лячэнне. Пазней яго асудзілі за ўдзел у "масавых беспарадках".

Вызвалены ў красавіку 2024 года, поўнасцю адбыўшы тэрмін пакарання, прызначаны судом.

Віталя была затрымана пасля вяртання ў Беларусь у межах крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацыі прэзідэнцкіх выбараў. Яе асудзілі за ўдзел у "масавых беспарадках". Па матэрыялах справы, агульная шкода склала каля 24 тысяч беларускіх рублёў.

Вызвалена ў снежні 2024 года, поўнасцю адбыўшы тэрмін пакарання, прызначаны судом.

Сяргей, індывідуальны прадпрымальнік і ўладальнік асабістай падсобнай гаспадаркі па вырошчванні маліны і трускаўкі ў Драгічынскім раёне, быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках". Паводле матэрыялаў справы, агульны ўрон перавысіў 27 тысяч беларускіх рублёў.

Вызвалены ў красавіку 2024 года, поўнасцю адбыўшы тэрмін пакарання, прызначаны судом.

Уладзімір быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках". Па матэрыялах справы, агульны ўрон склаў каля 24 тысяч беларускіх рублёў.

Вызвалены ў сакавіку 2024 года, поўнасцю адбыўшы тэрмін пакарання, прызначаны судом.