Аляксандр Аляксандравіч Воўк

Яўген быў затрыманы 8 снежня 2021 года і прыгавораны да 15 сутак адміністрацыйнага арышту. Нагодай для затрымання стала знойдзенае падчас ператрусу партманэ для дакументаў з выявай "Пагоні". Па заканчэнні тэрміну адміністрацыйнага арышту на волю Яўген не выйшаў, бо ў дачыненні да яго была ўзбуджаная крымінальная справа па артыкуле "арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх".

У сакавіку 2022 года Яўгена асудзілі за ўдзел у паслявыбарчай акцыі пратэсту, якая прайшла 25 кастрычніка 2020 года ў Менску. Вядома, што ў яго мабільным тэлефоне былі знойдзеныя фатаграфіі з акцыі пратэсту, на якіх ён быў адлюстраваны з бел-чырвона-белым сцягам на плячах.

Пакінуў Беларусь да пачатку адбыцця пакарання.

У кастрычніку 2024 года ў рамках спецыяльнай вытворчасці адбылося завочнае судовае пасяджэнне па пытанні замены абмежавання волі з накіраваннем у папраўчую ўстанову адкрытага тыпу на пазбаўленне волі.

Наталля была затрыманая ў снежні 2021 года па крымінальнай справе, узбуджанай па артыкулах за абразу прадстаўніка ўлады і Лукашэнкі.

У чэрвені 2022 года яе прызналі вінаватай і прыгаварылі да абмежавання волі з накіраваннем у папраўчую ўстанову адкрытага тыпу.

Пакінула Беларусь да пачатку адбыцця пакарання.

У лістападзе 2024 года ў рамках спецвытворчасці адбылося завочнае судовае паседжанне па пытанні замены абмежавання волі на пазбаўленне волі ў калоніі.

Галіна, 2D-мастачка кампаніі Vizor Games, была затрыманая ў снежні 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Сілавікі запісалі з Галінай «пакаяльнае відэа», у якім яна распавяла, што была падпісаная на Telegram-каналы, прызнаныя беларускімі ўладамі экстрэмісцкімі, а таксама ўдзельнічала ў пратэстных акцыях і перакрыцці дарог у жніўні 2020 года.

У траўні 2022 года Галіну прызналі вінаватай і прыгаварылі да абмежавання волі без накіравання ў папраўчую ўстанову адкрытага тыпу.

Пакінула Беларусь.

У кастрычніку і лістападзе 2024 года ў рамках спецыяльнай вытворчасці адбыліся завочныя судовыя пасяджэнні па пытанні замены прызначанага пакарання.

Аляксандр быў затрыманы ў кастрычніку 2021 года ў рамках крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».

У студзені 2022 года яго асудзілі за ўдзел у паслявыбарчай акцыі пратэсту, якая прайшла ў жніўні 2020 года ў Мінску, і прыгаварылі да абмежавання волі з накіраваннем у папраўчую ўстанову адкрытага тыпу.

Пакінуў Беларусь да пачатку адбывання пакарання.

У снежні 2024 года ў рамках спецвытворчасці адбылося завочнае судовае паседжанне па пытанні замены абмежавання волі з накіраваннем у папраўчую ўстанову на пазбаўленне волі ў калоніі.

Павел быў затрыманы ў кастрычніку 2021 года ў межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».

У студзені 2022 года яго асудзілі за ўдзел у паслявыбарчай акцыі пратэсту, якая прайшла ў жніўні 2020 года ў Мінску, і прыгаварылі да абмежавання волі без накіравання ў папраўчую ўстанову адкрытага тыпу.

27 кастрычніка 2021 года Андрэя прызналі вінаватым у абразе супрацоўніка міліцыі з Гродна Уладзіміра Казлоўскага — міліцыянта, які ўпаў падчас бойкі 29 траўня 2020 года на пікеце па зборы подпісаў за вылучэнне Святланы Ціханоўскай кандыдатам у прэзідэнты. Па версіі абвінавачання, Андрэй пакінуў у сацыяльнай сетцы «Аднакласнікі» каментар са словам «мразь» пад пастом Вольгі Карач.

Нягледзячы на другую групу інваліднасці з-за праблем з сэрцам, яго амаль месяц трымалі пад вартай. Пасля абвяшчэння прысуду Андрэя вызвалілі ў зале суда.

Наталля была затрыманая ўвечары 29 красавіка 2021 года пасля паведамлення "неабыякавай грамадзянкі" ў міліцыю аб тым, што невядомыя людзі малююць бел-чырвона-белыя сцягі на збудаваннях на вуліцы Багдановіча ў Менску. Пасля адміністрацыйнага арышту ў дачыненні да яе распачалі крымінальную справу і адпусцілі пад заклад да суда.

У верасні 2021 года Наталля была асуджаная па артыкуле "апаганенне збудаванняў і псаванне маёмасці".

Аляксандр быў затрыманы ўвечары 29 красавіка 2021 года пасля паведамлення "неабыякавай грамадзянкі" ў міліцыю аб тым, што невядомыя людзі малююць бел-чырвона-белыя сцягі на збудаваннях на вуліцы Багдановіча ў Менску. Пасля адміністрацыйнага арышту ў дачыненні да яго распачалі крымінальную справу і адпусцілі пад заклад да суда.

У верасні 2021 года Аляксандр быў асуджаны па артыкуле "апаганенне збудаванняў і псаванне маёмасці".

Яўген быў затрыманы 26 лютага 2021 года. Яго абвінавацілі ў тым, што 28 снежня 2020 года, будучы ў стане алкагольнага ап'янення, ён апублікаваў у адным з Telegram-чатаў персанальныя дадзеныя супрацоўнікаў ГУБАЗіК МУС Івана Тарасіка і Аляксандра Алексы. Да гэтых дадзеных ён дадаў пагрозу ў іх адрас і абразлівы каментар аб месцы іх пражывання.

Акрамя таго, Яўгена прызналі вінаватым па артыкулах "Крадзеж" і "Ухіленне ад адбывання пакарання" за невыкананне прысуду аб "хатняй хіміі" па папярэдняй справе.

11 верасня 2025 года стала вядома, што 52 вязні беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Яўген Сямёнаў.