Аляксандр Уладзіміравіч Карніенка

затрыманы 1 ліпеня 2021 года за тое, што прынёс да дома міліцыянера рытуальны вянок.

Па падліках праваабаронцаў вызвалены ў сакавіку 2024 года цалкам адбыўшы тэрмін пакарання, прызначаны судом.

Яўген Харашкевіч быў затрыманы 18 студзеня 2021 года ў Наваполацку.

Як распавёў бацька абвінавачанага Аляксандр, праблемы пачаліся пасля таго, як сын пайшоў назіральнікам на выбарчы ўчастак па месцы прапіскі ў вёсцы Фарынава. Напісаў скаргу ў пракуратуру наконт грубага парушэння выбарчага кодэкса, у якой інфармаваў пра не апячатаную скрыню для галасавання. Пасля гэтага, 12 жніўня, да Яўгена на працу прыехалі супрацоўнікі міліцыі і затрымалі яго. Але хутка адпусцілі. 19 студзеня 2021 года ён зноў быў затрыманы, але ўжо ў межах крымінальнай справы.

На абвяшчэнне прыгавору бацькі Яўгена прынеслі ў залу раздрукаваныя каляровыя фотаздымкі яго трохмесячнай дачкі Міланы. Пакуль ён быў за кратамі, у яго нарадзілася дзіця, якога ён яшчэ не бачыў. У калоніі стаіць на ўліку,як схільны да экстрэмізму.

17.08.2024 вызвалены поўнасцю адбыўшы тэрмін пакарання, прызначаны судом.

Як адзначаў Шчытнікаў падчас працэсу, ён ненаўмысна наехаў на аўтамабіль ДАІ, гэта адбылося пасля таго як закрычала ягоная жонка, якая сядзела побач: яна ўбачыла, як збіваюць чалавека каля дарогі. Ад нечаканасці вадзіцель Nissan наехаў на стаялы аўтамабіль ДАІ. Шчытнікава пасля затрымалі, і, паводле яго слоў, збілі ў Маскоўскім РУУС, з чэрапна-мазгавой траўмай яго даставілі ў ізалятар на Акрэсціна.

Па падліках праваабаронцаў выйшаў на волю восенню 2025 года.

20-гадовага слесара Арцёма Саковіча абвінавацілі ва ўдзеле ў дзеяннях , якія груба парушаюць грамадскі парадак, у падрыхтоўцы да ўдзелу ў масавых беспарадках 10-12 жніўня 2020 г. і падрыхтоўцы да незаконнага вырабу і нашэння прадметаў, паражальнае дзеянне якіх заснавана на выкарыстанні гаручых рэчываў. У межах крымінальнай справы Арцёма затрымалі толькі 22 чэрвеня 2021 г., калі ён прыйшоў у РУУС як сведка па іншай “непалітычнай” крымінальнай справе. Да гэтага, як аказалася, ён знаходзіўся ў вышуку, хоць і не хаваўся: жыў дома, хадзіў на працу.

Выйшаў на волю ў пачатку траўня 2025 года, цалкам адбыўшы тэрмін пакарання, прызначаны судом.

Зміцер, інвалід па слыху (глуханямы), быў асуджаны ў верасні 2021 года за «абразу Лукашэнкі», «абразу прадстаўнікоў улады» і «пагрозу гвалту ў дачыненні да суддзі». Па версіі абвінавачання, ён з дапамогай кампутара размясціў у тэлеграм-канале фота Лукашэнкі з негатыўнай ацэнкай, публікаваў абразлівыя паведамленні ў адрас прадстаўніка ўлады ў кастрычніку 2020 года і заклікі да гвалтоўных дзеянняў супраць намесніка старшыні суда ў лютым 2021 года.

У зале суда Зміцер быў узяты пад варту, у яго забралі слыхавы апарат.

Па падліках праваабаронцаў, ён быў вызвалены летам 2023 года, цалкам адбыўшы прызначаны судом тэрмін пакарання.

Аляксей быў затрыманы ў сакавіку 2021 года і асуджаны па артыкуле "распальванне варожасці" за каментары ў сацыяльнай сетцы "УКантакце", з прызначэннем пакарання ў выглядзе пазбаўлення волі.

У верасні 2021 года ў рамках памілавання ён быў пераведзены з калоніі ў папраўчую ўстанову адкрытага тыпу. 29 лістапада 2021 года стала вядома, што Аляксей пакінуў "хімію" і з'ехаў з Беларусі.

У канцы кастрычніка 2022 года з'явілася інфармацыя аб яго затрыманні ў Расіі. Паведамлялася, што Аляксей спачатку з'ехаў у Смаленск да сваякоў, потым перабраўся ў Белгарад, а пасля пачатку вайны пераехаў у Варонеж, дзе быў затрыманы паліцыяй. 26 кастрычніка 2022 года яго вывезлі ў Беларусь, а ўжо ў лістападзе адбылося судовае паседжанне, па выніках якога Аляксею замянілі рэжым утрымання з папраўчай установы адкрытага тыпу на калонію.

У жніўні 2023 года быў вызвалены, цалкам адбыўшы тэрмін пакарання, прызначаны судом.

Упершыню Андрэя асудзілі ў сакавіку 2021 года за "абразу Лукашэнкі" і "абразу прадстаўніка ўлады" і прыгаварылі да абмежавання волі з накіраваннем. Аднак ён не паспеў паехаць адбываць пакаранне ў ПУАТ: 4 траўня 2021 года яго затрымалі па новых абвінавачаннях яшчэ па трох крымінальных артыкулах.

У жніўні таго ж года Андрэй быў асуджаны паўторна — ізноў за абразу Лукашэнкі — і прыгаварылі да пазбаўлення волі.

Па падліках праваабаронцаў, узімку 2024 года ён быў вызвалены, цалкам адбыўшы прызначаны судом тэрмін пакарання.

Дзяніс быў затрыманы ў сакавіку 2021 года і асуджаны за каментары, пакінутыя ў Telegram-чаце "Маладзечна для жыцця Chat". Пацярпелымі прызналі супрацоўнікаў міліцыі Маладзечна, супрацоўніцу гродзенскага АМАПу, а таксама публічных асоб — Лукашэнку, Ярмошыну і Карпенкава.

У жніўні 2024 года ён быў вызвалены ў межах памілавання.

Сяргей, былы намеснік старшыні праўлення Белгазпрамбанка, быў затрыманы ў рамках "справы Бабарыка" і ў ліпені 2021 года асуджаны па артыкуле "атрыманне хабару".

9 сакавіка 2023 года адбылося пасяджэнне аб устанаўленні прэвентыўнага нагляду, а 30 сакавіка Сяргей быў вызвалены з калоніі. Як мяркуецца, ён выйшаў па УДВ альбо яго тэрмін быў скарочаны ў выніку абскарджання. Больш дакладнай інфармацыі ў праваабаронцаў няма.

Арцём, дырэктар прыватнай друкарні, быў затрыманы ў траўні 2021 года і пасля асуджаны па абвінавачанні ў вырабе і распаўсюджванні пратэстнай паліграфічнай прадукцыі (улётак, стыкераў, газет), а таксама ва ўдзеле ў нядзельных маршах, якія праходзілі ў Мінску ў жніўні-верасні 2020 года.

Па падліках праваабаронцаў, ён быў вызвалены ў кастрычніку 2024 года, цалкам адбыўшы прызначаны судом тэрмін пакарання.

Аляксандра асудзілі ў чэрвені 2021 года за абразу Лукашэнкі. Па версіі абвінавачання, знаходзячыся ў стане алкагольнага ап'янення, ён патэлефанаваў па нумары 102 і выказаўся ў яго адрас у непаважлівай форме.

Вызвалены летам 2022 года, цалкам адбыўшы прызначаны судом тэрмін пакарання.

Аляксандр быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Вызвалены ў сакавіку 2024 года, поўнасцю адбыўшы тэрмін пакарання, прызначаны судом.

Зміцер быў затрыманы восенню 2020 года і пасля асуджаны па абвінавачанні ў «арганізацыі групавых дзеянняў, якія груба парушаюць грамадскі парадак». Па версіі абвінавачання, з 31 жніўня па 30 кастрычніка 2020 года ён, будучы адміністратарам Telegram-чата «Мінск. Перакрыцце дарог. Чат», публікаваў інструкцыі па блакаванні руху транспарта, шукаў удзельнікаў і каардынаваў іх дзеянні.

Па падліках праваабаронцаў, ён быў вызвалены летам 2022 года, цалкам адбыўшы прызначаны судом тэрмін пакарання.